Modalità offline. Versione di sola lettura della pagina.
Déanaimid cigireachtaí ar áitribh úinéirí, oibreoirí agus úsáideoirí feithiclí tráchtála. Faigh tuilleadh eolais faoina dtarlaíonn ag cigireacht ar an áitreabh.
Déantar dhá chineál cigireachta ann a dhéanamh ag áitreabh oibreora.
Baineann oifigigh iompair le ceanglais maidir le huaireanta tiománaithe agus tacagraif agus ceadúnú.
I gCigireacht a dhéanann Oifigeach Iompair déanfar athbhreithniú ar chomhlíonadh rialacha AE maidir le tacagraif agus uaireanta tiománaithe agus na Treorach Ama Oibre d’Oibrithe Soghluaiste chomh maith le socruithe atá curtha i bhfeidhm agat chun bainistíocht agus monatóireacht a dhéanamh ar do chomhlíonadh féin agus ar chomhlíonadh do thiománaithe maidir le:
Baineann Cigirí Feithiclí agus Teicniúla le do chóras cigireachta, deisiúcháin agus cothabhála feithicle.
Sa chigireacht déanfar athbhreithniú ar chomhlíonadh na rialachán cothabhála agus deisiúcháin feithicle (PDF) agus na socruithe atá i bhfeidhm agat. Sa chigireacht go sonrach déanfar athbhreithniú ar do:
Má bhíonn feithicil/feithiclí ag an áitreabh le linn na cigireachta, féadfaidh an Cigire seiceáil a dhéanamh ar an bhfeithicil/feithiclí lena mbail ródacmhainneachta ag an am a athbhreithniú. Sa chás go bhfaightear go bhfuil locht contúireacht ar an bhfithicil/feithiclí sin marcálfar iad mar “as an mbóthar, contúirteach”.
Go hiondúil gheobhaidh tú glao gutháin/litir ó Oifigeach Iompair nó ó Chigire Feithiclí/Teicniúil chun coinne le haghaidh cigireacht ar an áitreabh a dhéanamh – is féidir leat dáta cigireachta a oireann duit a eagrú de ghnáth, laistigh de theorainneacha áirithe ama trí theagmháil a dhéanamh leis an oifigeach / cigire a eagróidh an coinne. Tá an chumhacht ag ár n-oifigigh agus ár gcigirí, áfach, cuairt gan fógra’ a dhéanamh ar áitreabh oibreora gan fógra a thabhairt.
Cigireacht a dhéanann Oifigeach Iompair
Ba chóir duit ullmhú don chigireacht agus a chinntiú go bhfuil na doiciméid a liostaítear thíos ar fáil san fhormáid riachtanach. Cuirfidh sé sin go mór le críochnú tapa na cigireachta. Ba chóir go mbeadh duine/daoine ar fáil agat chun cuidiú leat, chun ceisteanna a shoiléiriú agus chun aon cheist a fhreagairt a thiocfadh chun cinn le linn na cigireachta. Ba chóir go mbeadh spás agat ionas gur féidir leis an oifigeach do thaifid a athbhreithniú agus an chigireacht a dhéanamh.
Doiciméid ba cheart bheith réidh agat
Ba chóir duit ullmhú don chigireacht agus a chinntiú go bhfuil na doiciméid a liostaítear thíos ar fáil. Beidh roinnt pleanála ullmhúcháin a dhéanfaidh tusa roimh an gcigireacht ina chuidiú le críochnú tapa na cigireachta. Ba chóir go mbeadh duine/daoine ar fáil agat chun cuidiú leat, chun ceisteanna a shoiléiriú agus chun aon cheist a fhreagairt a thiocfadh chun cinn le linn na cigireachta. Ba chóir go mbeadh spás agat ionas gur féidir leis an gcigire do thaifid a athbhreithniú agus an chigireacht a dhéanamh.
Doiciméid ba cheart bheith réidh agat
1. Liosta de na feithiclí agus na leantóirí go léir a úsáidtear sa ghnó lena n-áirítear uimhreacha cláraithe feithiclí agus cóipeanna de dheimhnithe ródacmhainneachta
2. Taifid maidir le cigireacht, cothabháil agus deisiúchán do gach feithicil
3. Taifid maidir le tuairiscí lochtanna a fuarthas ó thiománaithe agus fianaise ar bhearta leantacha chun aghaidh a thabhairt ar na lochtanna sin
4. Plean sceidealaithe le haghaidh cigireachtaí, cothabhála / seiceálacha sábháilteachta feithiclí
5. Sonraí faoin oiliúint a cuireadh ar fáil do thiománaithe chun seiceálacha imshiúil a dhéanamh agus chun lochtanna feithicle a thuairisciú
6. Cáilíochtaí agus/nó taithí an phearsanra atá freagrach as cothabháil feithiclí. Sa chás go ndéanann tríú páirtí nó páirtithe do chothabháil feithicle:
Féach ar ár bhfíseán gairid ina dtaispeánfar duit cad a bheidh romhat ag cigireacht ar an áitreabh a dhéanann Cigire Feithiclí/Cigire Teicniúil.
Déanfaidh Oifigigh Iompair agus Cigirí Feithiclí/Teicniúla torthaí uile na cigireachta a thaifeadadh agus tabharfar tuairisc duit. Beidh an tuairisc sin ar fáil duit freisin trí do Chuntas CVRT ar Líne. Chun do chuntas CVRT ar líne a chruthú ní mór duit clárú linn. Má tá tú cláraithe cheana féin is féidir leat logáil isteach chun féachaint ar do thuairiscí cigireachta. I láthair na huaire, níl ach cigireacht ar an áitreabh ag Oifigeach Iompair ar fáil trí do chuntas ar líne. Táthar ag súil go mbeidh cigireachtaí Feithiclí/Teicniúla ar an áitreabh ar fáil roimh dheireadh 2015, áfach.
Coimeádfaimid taifead den chigireacht ar ár gcóras go ceann 10 mbliana ar a laghad. Cuirfear torthaí na cigireachta isteach inár dTáscaire Riosca Oibreoirí Feithiclí Tráchtála (CVORI) ar feadh 3 bliana ar a mhéad nuair a bheidh an chigireacht déanta.
Ba cheart duit aon choigeartuithe is gá a dhéanamh láithreach chun aon easnaimh a aimsíodh le linn na cigireachta a dheisiú lena chinntiú go bhfuil tú lánchomhlíontach. Cuirfear iad sin ar d’aird ar an lá ó bhéal agus beidh siad leagtha amach sa tuairisc chigireachta agus/nó i bhFógra/ Litir um Threoir.
D’fhéadfadh roinnt torthaí a bheith mar thoradh ar chigireacht ar an áitreabh.
Nuair a fheicfear comhlíonadh, críochnófar an gcigireacht agus gheobhaidh tú tuairisc. Cé go bhféadfaí tú a roghnú go randamach fós le haghaidh cuairt ar d’áitreabh amach anseo, is féidir leat a bheith ag súil go mbeidh líon na gcigireachtaí níos ísle de réir chomh comhlíontach agus atá atá tú toisc go bhfuil cigireachtaí á ndíriú níos mó ar oibreoirí nach bhfuil chomh comhlíontach sin agus lena mbaineann riosca níos airde.
Sa chás go mbraitear sáruithe agus/nó go bhfaightear go bhfuil na córais neamhleor cuirfear é sin in iúl duit agus d’fhéadfadh sé go ndéanfaí ceann amháin nó níos mó díobh seo a leanas:
Tabharfaidh Oifigigh Iompair agus Cigirí Feithiclí / Teicniúla oideachas agus comhairle duit, ar na rialacha atá i bhfeidhm agus conas is féidir leat cloí leo a chomhlíonadh, le linn na cigireachta.
Roghnaítear áitribh le haghaidh iarchigireachta bunaithe ar roinnt critéar. Áirítear leis na critéir sin sa cásanna seo a leanas:
Ba cheart duit ullmhú le haghaidh iarchigireacht ar an mbealach céanna le gnáthchigireacht thuas. Féadfaidh an t-oifigeach / cigire díriú isteach ar ghnéithe áirithe de d’oibríocht nó féadfaidh sé nó sí cigireacht iomlán a dhéanamh ar na taifid go léir, ag brath ar an gcúis leis an iarchigireacht.
Fostaíonn an tÚdarás um Shábháilteacht ar Bhóithre Oifigigh Iompair go díreach. Déanann siad cigireachtaí cois bóthair ag áitribh oibreora chun comhlíonadh rialacha AE maidir le tacagraif agus uaireanta tiománaithe agus na Treorach Ama Oibre d’oibrithe soghluaiste a sheiceáil chomh maith le gnéithe maidir le ceadúnú oibreoirí agus CPC tiománaithe a sheiceáil. Is oifigigh fhorfheidhmithe údaraithe iad Oifigigh Iompair arna gceapadh faoi Alt 15 den Acht um Iompar ar Bhóithre 1986 (arna leasú) agus Alt 16 den Acht um Iompar ar Bhóithre 2011.. Tá cumhachtaí na nOifigeach Iompair leagtha amach i gCuid 5 de Rialacháin na gComhphobal Eorpach (Iompar ar Bhóithre) (Dálaí Oibre agus Sábháilteacht ar Bhóithre) 2008 (S.I. 62 of 2008) (arna leasú).
Fostaíonn an tÚdarás um Shábháilteacht ar Bhóithre Cigirí Feithiclí go díreach. Déanann siad iniúchtaí ródacmhainneachta cois bóthair. Chomh maith leis sin déanann siad cigireachtaí cuimsitheacha teicniúla ag Ionaid Tástála Feithiclí Tráchtála agus ar áitribh oibreoirí in Éirinn mar chuid den chlár reachtúil maidir le cigireachtaí ródacmhainneachta feithiclí tráchtála. Ceapadh Cigirí Feithiclí mar Oifigigh Údaraithe agus Cigirí CVR faoi Ailt 24 & 33 den Acht um an Údarás um Shábháilteacht ar Bhóithre (Ródacmhainneacht Feithiclí Tráchtála) 2012 (PDF).. Tá cumhachtaí na n-oifigeach údaraithe leagtha amach in ailt 25 & 31 den Acht. Tá cumhachtaí na gCigirí CVR leagtha amach in ailt 34 & 31 den Acht.
Tá aonad forfheidhmithe an Údaráis um Shábháilteacht ar Bhóithre lonnaithe i gCo. na Gaillimhe ag an seoladh seo a leanas:
Standards & Enforcement Directorate,
Road Safety Authority,
1st Floor, Clonfert House,
Bride street,
Loughrea,
Co. Galway
H62 ET93
Phone: 091 872600
Email: enforcement@rsa.ie
I ndiaidh próiseas iomaíoch tairisceana, A.A. tosóidh Ireland Ltd. ag déanamh cigireachtaí teicniúla ag ionaid tástála feithiclí tráchtála agus ar áitribh oibreoirí in Éirinn mar chuid den chlár reachtúil maidir le cigireachtaí ródacmhainneachta feithiclí tráchtála ó mhí Eanáir 2019.
A.A. Déanfaidh A.A. Ireland teagmháil dhíreach le hoibreoirí maidir leis na cigireachtaí sin ar an áitreabh.
Is iad seo a leanas sonraí teagmhála A.A. Ireland dá dteastódh siad uait:
AA Ireland,
Unit D, Merrywell Business Park,
Ballymount Road Lower,
Dublin,
D12 F1H2
Phone: 01 9618939
Email: CVR.RSA@theaa.ie
Tiocfaidh deireadh leis an gconradh le haghaidh seirbhísí cigireachta teicniúla le Bureau Veritas (B.V.) an 31 Nollaig 2018, ach leanfaidh BV ag déanamh cigireachta oibreoirí suas go dtí an dáta sin.
Ceapadh Cigirí Teicniúla mar oifigigh údaraithe faoi Alt 24 den Acht um an Údarás um Shábháilteacht ar Bhóithre (Ródacmhainneacht Feithiclí Tráchtála) 2012 (PDF). Tá cumhachtaí na n-oifigeach údaraithe leagtha amach in ailt 25 & 31 den Acht.
How to Self Declare.mp4